Курс туралы ақпарат

Курстың пәні – жоғары оқу орнында оқыту үдерісі. Курстың оқу бағдарламасы жоғары оқу орнынан кейінгі білім беруді жүзеге асыруды реттейтін құжаттар негізінде әзірленген, сондай-ақ пән мазмұнын іріктеу барысында «Білім берудің үздіксіздігі негізінде IT-пәндер оқытушыларының әдістемелік құзыреттілігін дамыту жүйесін құру» атты гранттық қаржыландыру негізіндегі ғылыми жобаның нәтижелері пайдаланылды.

Пәннің өзектілігі келесі факторлармен айқындалады: ақпараттық технологиялардың дамуы, білім беру сапасының артуы және білім алушыларды еңбек нарығына бейімдеп даярлау қажеттілігі.

Курстың мақсаты – мамандарды даярлау саласындағы пәндерді тиімді оқыту үшін тыңдаушыларда қажетті әдістемелік құзыреттілікті қалыптастыру.

Курс екі модульден тұрады.
1-модульдің міндеттері – «Пәндерді оқыту әдістемесінің негіздері» тыңдаушыларды педагог мамандығына кіріктіру, практикалық бағдарланған оқыту арқылы оқу материалдарын әзірлеу үдерісін және білім беру үдерісін педагогикалық жобалау – оны кезеңдер жүйесі ретінде қарастыру, олардың әрқайсысына тән міндеттері мен шешу әдістемесін зерттеу, сонымен қатар оқу мақсаттары, студенттердің оқу нәтижелері және нақты нәтижелерге қол жеткізу дәрежесін бағалауға арналған мазмұн негізінде оқытудың жетістіктерін бағалау әдістерін қолдану бойынша білім мен дағдыларды қалыптастыру.
2-модуль – «Белсенді оқыту әдістерін қолдану» тыңдаушыларға интерактивті әрі ынталандырушы білім беру ортасын құру үшін әртүрлі стратегиялар мен құралдарды ұсынады. Бұл модуль тыңдаушылардың білім алушылардың белсенділігін арттыратын, сыни ойлауын, мәселені шешу және ынтымақтастық дағдыларын дамытатын белсенді оқыту әдістерін қолдануына көмектеседі.