Курстың қысқаша шолуы / сипаттамасы

«Мемлекеттік саясат және электрондық үкімет» пәні мемлекеттік сектордың цифрлық трансформациясының теориялық негіздерін және практикалық құралдарын зерттеуге бағытталған. Курс аясында мемлекеттік басқару модельдерінің эволюциясы (дәстүрліден платформалыққа дейін), электрондық үкіметтің жетілу деңгейін бағалаудың халықаралық әдістемелері (БҰҰ, IMD, Дүниежүзілік банк) және Қазақстан Республикасында цифрлық саясатты іске асыру ерекшеліктері қарастырылады. Бизнес-процестерді реинжинирингтеуге, Big Data, AI және Blockchain технологияларын мемлекеттік басқаруға енгізуге, сондай-ақ цифрлық ынтымақтастық дәуіріндегі этика мен қауіпсіздік мәселелеріне ерекше назар аударылады.